ကိးပသူထီၣ်ဒီးတၢ်သူၣ်ဖှံသးညီတက့ၢ်
ယကွၢ်ဃုသရၠာစးိာ်တဖျၢၣ် လၢယကလဲၤဘါထီၣ်ဘၣ်တၢ် ဘၣ်ဆၢဘၣ်ကတီၢ်‚ ဒီးတုၤ ယဟဲက့ၤကဒါက့ၤ တုၤယဟံၣ်န့ၣ်‚ ယသကိးပိာ်မုၣ်တဂၤကွဲယၤ ဒ်သိး ယကလဲၤဘါ တၢ်လၢအသရၠာစးိာ်န့ၣ်လီၤႉ ဖဲသရၠာစးိာ်န့ၣ် သရၠာစးၣ်ခိၣ်နၢ်တဂၤအိးထီၣ် ကမျၢၢ် အတၢ်ဘါ လၢတၢ်သး၀ံၣ်လၢယအဲၣ်အီၤ ဒိၣ်မးတယုၢ်‚ အဃိသတးဒီး ယသး၀ံၣ်ယဲတၢ်န့ၣ် လၢသူၣ်ဒီဖျၢၣ်သးဒီဖျၢၣ်လီၤႉ
တုၤယသး၀ံၣ်တၢ်န့ၣ်၀ံၤအကတီၢ်န့ၣ်‚ ယသကိး အ၀ၤဃၣ်အသး ဆူယအိၣ်ဒီးစံး ‘‘နသး၀ံၣ်တၢ်ဒိၣ်နးမး လဲၣ်’’ န့ၣ်လီၤႉ အတၢ်တဲဖျါန့ၣ် တမုၢ်လၢ်၀ဲလၢ တၢ်မုာ်နၢ်ဆၢသးအဂီၢ်ဘၣ်ႉ ၀ံၤဒီး ယကွၢ်ထံဆိကမိၣ် လၢယသးပူၤ ဒီးသ့ၣ်ညါယဲလၢ ယကလုၢ်န့ၣ် သီၣ်ဆံးန့ၢ်ဒံး ပှၤဂုၤဂၤ အကလုၢ်န့ၣ်လီၤႉ ထီဘိယဲန့ၣ် ယကွၢ်ထံဆိကမိၣ် ယဲလၢ ပှၤဂုၤဂၤတဖၣ် ကစံၣ်ညီၣ်တဲာ်ယကလုၢ်အသီၣ် ဒ်သိးလဲၣ်န့ၣ်လီၤႉ
ဘၣ်တနံၤန့ၣ် ယအိၣ်ဒီး တၢ်ပာ်သူၣ်ပာ်သး လၢပိာ်မုၣ် လၢအဆ့ၣ်နီၤ လၢပကပၤ‚ လၢလီၢ်ဆ့ၣ်နီၤဖးထီအပူၤတဂၤ သး၀ံၣ်တၢ်လီၤႉ အ၀ဲသး၀ံၣ်တၢ်န့ၣ်‚ ပှဲၤ၀ဲဒီး တၢ် ယူးယီၣ်ပးကဲ တၢ်သညူးသပှၢ်ဒိၣ်မး တုၤလၢတဆိကမိၣ်လီၤက့ၤ အသးဒၣ်လဲာ်လီၤႉ တၢ်အံၤ ဒုးသ့ၣ်နီၣ်ထီၣ်က့ၤယၤ…
တၢ်အိၣ်၀ဲတပူၤဒၣ် ဘၣ်ဆၣ် တမ့ၢ်တၢ်ညိကွံာ်ဘၣ်
မုၢ်တဟါ ဖဲယဖိဒိၣ်မုၣ်ကဘၣ်သုးအလီၢ် ဆူ ကီၢ်မဲးဆၣ်ခၠူးဆဲး လၢကဘၣ်လဲၤမၤလိ တီၤထီဖၠၣ်စိမိၤ လၢ၀့ၢ်ဘီးစတိၣ်ဒီးယလဲၤဆှၢလီၤဆၢဂ့ၤဆၢ၀ါအီၤ လၢတၢ်ကတိၤဖိ ‘လဲၤမုာ်မုာ်’န့ၣ် ယကိာ်ယူၢ်လီၤတကံးဘၣ်သးလီၤႉ လၢတၢ်မၤလိ တီၤထီကၠိအခါန့ၣ် အ၀ဲအိၣ်ယံၤတ့ၢ်ဒီးယၤ လွံၢ်နံၣ်ဘၣ်ဆၣ်‚ အ၀ဲတမ့ၢ်အဟးထီၣ် လၢပကီၢ်စဲၣ်အချၢဘၣ်‚ ပလဲၤလၢသိလ့ၣ် ခံနၣ်ရၠာစးံၣ်တခီဒီး ပလဲၤတုၤ အိၣ်သကိးအီၤ ညီကဒၣ်ဖိလီၤႉ ခဲအံၤ အ၀ဲကအိၣ်စီၤစုၤဒီးပှၤ အမံးလာ် ၈၀၀ ဘျဲၣ်လီၤႉ ပထံၣ်လိာ်‚ ကတိၤလိာ်သကိး ဒ်ညီနုၢ် အသိး တသ့လၢၤဘၣ်ႉယဘၣ်နာ်ဒၣ်ထဲယွၤ လၢကအံးကွၢ် ကဟုကယာ်အီၤလီၤႉ
တၢ်မၤအသးဒီးစီၤပီလူး တမံၤဃီ ဒ်န့ၣ်အသိး ဖဲအကတိၤဆၢဂ့ၤလိာ်အသး လၢတၢ်အိၣ်ဖှိၣ်သးပှၢ်တဖၣ် လၢအ့းဖ့းစူးတၢ်အိၣ်ဖှိၣ်အခါ န့ၣ်လီၤႉ အ၀ဲသူၣ်ထီၣ်တ့ၢ် တၢ်အိၣ်ဖှိၣ်အံၤဒီး သိၣ်လိသီလိတ့ၢ် အ၀ဲသ့ၣ်သၢနံၣ်ညါန့ၣ်လီၤႉ စီၤပီလူး မၤလိာ်တ့ၢ် တၢ်အိၣ်ဖှိၣ်သးပှၢ်တဖၣ် လၢကပာ်အသး ဒ်ဒူၣ်ဖိထၢဖိတဒူၣ်ဃီဒီးအီၤ န့ၣ်လီၤႉ ခဲအံၤ စီၤပီလူးကဘၣ်လဲၤဆူ ယ့ှူၤ့ှှလ့ၣ် ဒီးအ၀ဲထံၣ်လိာ်အသးဒီး တၢ်အိၣ်ဖှိၣ်သးပှၢ် တဖၣ်အံၤ တသ့လၢၤဘၣ်န့ၣ်လီၤ
ဘၣ်ဆၣ်ဒီး စီၤပီလူးအိၣ်ဒီးတၢ်ဟ့ၣ်ကူၣ် လၢပှၤအ့းဖ့းစူးဖိတဖၣ်အဂီၢ်…
တၢ်သူၣ်ဒိၣ်သးဖျိးအတၢ်ပၢဆှၢသုးကျဲၤ
ဖဲယအီၣ်ဟါတၢ်အီၣ်ဒီး ယတံၤသကိးတဂၤအခါ အ၀ဲတဲဖျါထီၣ် အတၢ်သးဟးဂီၤ အဟံၣ်ဖိဃီဖိတဂၤအဂ့ၢ်လီၤႉ ဘၣ်ဆၣ် အ၀ဲအသးဃၢလၢ ကတဲဆၢကဒါက့ၤတၢ် ဘၣ်ဃး ပှၤ၀ဲအံၤ အတၢ်မၤအ့န့ပှၤသးလုၢ်လၢ် လၢအမ့ၢ်တၢ်တပးကဲဒီး တၢ်နံၤဘၣ် ဖၣ်လဲအီၤ တဖၣ်န့ၣ်လီၤႉ ဖဲအ၀ဲကျဲးစၢး ဒ်သိးကတဲဆၢအီၤအခါန့ၣ် ပှၤအံၤစံးဆၢအီၤ လၢတၢ်ကတိၤဆဲးအဲးတဖၣ်လီၤႉ အ၀ဲ အသးဒိၣ်ဆူၣ်ဆူၣ် ကလဲာ်လီၤႉ ဖဲပဟံးန့ၢ်ပၢၤဃာ် တၢ်ခိၣ်ကိၤန့ၣ် ပှၤခံခီ ခံကပၤလိာ် ဘၣ်ဒိဆါလီၤႉ ဒီးဟံၣ်ဒူၣ် အတၢ်လီၤမုၢ် လီၤဖးစ့ၢ်ကီး ဒိၣ်ထီၣ်အါထီၣ်လီၤႉ
ယတဲကဒါတၢ်အံၤသ့၀ဲ မ့ၢ်လၢယဲစ့ၢ်ကီး ယလဲၤ ခီဖျိ ဘၣ်လံ လၢတၢ်သူၣ်ဒိၣ်သးဖျိးဒ်အံၤအဃိလီၤႉ ယအိၣ်စ့ၢ်ကီး ဒီးတၢ်ဆၢကတီၢ်ကီခဲ လၢတၢ်ဘၣ်ကတိၤဆၢပှၤဂၤလီၤႉ တံၤသကိးတဂၤဂၤ မ့တမ့ၢ် ဟံၣ်ဖိဃီဖိတဂၤဂၤ မ့ၢ်ကတိၤ တၢ်ကတိၤက့ၣ်ကျူတမံၤမံၤန့ၣ် ယအိၣ်ဆၢထၢၣ်ဖဲယလီၢ်ဖးယံာ် တုၤပှၤအ၀ဲန့ၣ် ဟဲဆူယအိၣ် ဒီးတဲတၢ်တမံၤမံၤ မ့တမ့ၢ် မၤတၢ်တမံၤမံၤတစုလီၤႉ တစိၢ်ဖိ၀ံၤ ယတၢ် သူၣ်ဒိၣ်သးဖျိးတဖၣ် ပိၢ်ဖးထီၣ်လီၤႉ
ကမ့ၢ်တၢ်ဒ်န့ၣ်အဃိ ပှၤတၢ်မၢဖိစီၤပီလူးစံး၀ဲ ဖဲအ့းဖ့းစူး ၄း၂၆ လၢ…
ဘၣ်တၢ်ကွဲန့ၢ်လွဲန့ၢ် ကလံာ်န့ၢ်အီၤ
ဖဲ ၂၀၁၆ နံၣ် တၢ်ကိၢ်ခါကတီၢ်န့ၣ် ယဖိဒိၣ်မုၣ်တဂၤ ကွဲန့ၢ်လွဲန့ၢ်ယၤလၢယကလိာ်ကွဲ ပိၣ်ခံၣ်မိၤ ကိ (ပိုကီမွန် ဂိုး) တၢ်လိာ်ကွဲအခါ‚ လၢကွဲၤဒီနၢ် (လီတဲစိ) အပူၤ ခီဖျိ တၢ်စူးကါ တၢ်ဒိတၢ်ဂီၤအဒၢ လၢအအိၣ်လၢကွဲၤဒီနၢ်အပူၤန့ၣ်လီၤႉ တၢ်လိာ်ကွဲအံၤ အတၢ်ကွၢ်စိ မ့ၢ်၀ဲ ဒ်သိးကဖီၣ်န့ၢ်ဆၣ်ဖိကီၢ်ဖိ ဆံးဆံးဖိတဖၣ် လၢပှၤကိးလၢ ပိၣ်ခံၣ်မိၤ န့ၣ်လီၤႉ ဖဲပိၣ်ခံၣ်မိၤ တဒု ဟဲဖျါထီၣ်န့ၣ်ဒီး ဖျၢၣ်ထူအဂီၤဒီး အ၀ါဖိ တဖျၢၣ်စ့ၢ်ကီးဟဲဖျါထီၣ် လၢကွဲၤဒီနၢ်အမဲာ်ဘ့ၣ်ဘၣ် အဖီခိၣ်န့ၣ်လီၤႉ ပဘၣ်ကွံာ် ပိၣ်ခံၣ်မိၤ လၢဖျၢၣ်ထူဖိ လၢပစုဘိန့ၣ်လီၤႉ ပမ့ၢ်ကွဲန့ၢ်လွဲန့ၢ်အီၤ လၢတၢ်တမံၤမံၤ ဒီးပိၣ်ခံၣ်မိၤတဖၣ် ပဖီၣ်န့ၢ်အီၤ ညီကဒီစီလီၤႉ
တၢ်လၢပကွဲန့ၢ်လွဲန့ၢ်‚ ကလံာ်န့ၢ်အီၤညီတဖၣ်န့ၣ် တမ့ၢ်ထဲ ပိၣ်ခံၣ်မိၤ တဖၣ်ဘၣ်ႉ ကစၢ်ယ့ၣ်။းခရၠာစးံာ် အပုၢ်‚ စီၤယၤကိာ်‚ လၢလံာ်ယၤကိာ်အပူၤန့ၣ် ဟ့ၣ်ပလီၢ် ပှၤစူၢ်က့ၤနာ်က့ၤတၢ်တဖၣ်လၢ ပတၢ်သးကွံဒၣ်ပ၀ဲ ထုးန့ၢ်ပှၤန့ၣ်လီၤ (၁း၁၄) ႉ ပမ့ၢ်စံးလၢကျဲအဂၤတဘိန့ၣ်‚ ပတၢ်မိၢ်န့ၢ်သးလီတဖၣ်…
လၢအဒံးဆ့အဖီလာ်
ဖဲယဆိကမိၣ်တၢ်ဘၣ်ဃးဒီး တၢ်ကဟုဘံၣ်ကယာ်ဘၢန့ၣ် ယတဆိကမိၣ်ထီၣ် ထိၣ်အဆူၣ်အဒံးတဖၣ် တဘျီဃီဘၣ်ႉ သနာ်က့ ထိၣ်အဆူၣ်အဒံးန့ၣ် ပထံၣ်ဒီးသ့ၣ်ညါ ဒ်အမ့ၢ် တၢ်ကဟုဘံၣ်ကယာ်ဘၢအက့ၢ်အဂီၤတမံၤလၢ အဟးဂီၤညီဒီး‚ ဃံလၤ၀ဲလီၤႉ ထိၣ်အဆူၣ်အဒံးတဖၣ်န့ၣ် ကဲဘျုးအါန့ၢ်ဒံး ပမဲာ်အတၢ်ထံၣ် လၢအဃံလၤ၀ဲန့ၣ်လီၤႉ
ထိၣ်အဆူၣ်အဒံးန့ၣ် မ့ၢ်ကစၢ်ယွၤ အတၢ်တ့လီၤလၢ အလီၤလိၣ်လီၤလး၀ဲ နးမးန့ၣ်လီၤႉ ထိၣ်အဆူၣ်အဒံးအိၣ်၀ဲအဘ@တတီၤဒီး ကပုာ်လုာ်တတီၤလီၤႉ ထိၣ်ဆူၣ်အဘ@တတီၤန့ၣ် အိၣ်ဒီးအဆူၣ်ကိၤ စံးဆံးဆံးဖိတဖၣ်ဒီး‚ စံးတဖၣ်န့ၣ် ဘျးလီၤစဲၤအသး တခါဒီးတခါန့ၣ်လီၤႉ ထိၣ်ဆူၣ်၀ဲအံၤနှၣ်‚ တၢ်ဘၣ်သူအီၤ လၢထိၣ်သ့ၣ်တဖၣ် အနီၢ်ကစၢ် ကဒိးန့ၣ်ဘၣ် တၢ်လၢၤန့ၣ်လီၤႉ ထိၣ်ဆူၣ်လၢ အကပုာ်လုာ်တတီၤန့ၣ် ဒုးန့ၣ်တၢ်လၢၤ လၢထိၣ်သ့ၣ်တဖၣ် အဂီၢ်စ့ၢ်ကီးန့ၣ်လီၤႉ ထိၣ်ဆူၣ်ခံတီၤလိာ်န့ၣ် မ့ၢ်ဒ်သိး ကဒိးန့ၢ်ဘၣ် တၢ်ဒီသဒၢလီၤဘၣ်ဆၣ်‚ ထိၣ်ဖိဆံးတခီ အိၣ်ဒၣ်ထဲ ထိၣ်ဆူၣ်အကပုာ်လုာ်တမံၤ ဖဲအ၀ဲသ့ၣ် တချုးအဒိၣ်တုာ်ခိၣ်ပှဲၤဘၣ် အဆၢကတီၢ်ဒံးန့ၣ်လီၤႉ အဃိလၢ တၢ်ဒီသဒၢ အဂီၢ် အမိၢ်ကးဘၢအီၤ လၢအဆူၣ်အဒံး‚ လၢအသွံအပူၤန့ၣ်လီၤႉ
ကစၢ်ယွၤ အက့ၢ်အဂီၤလၢ အကျၢၢ်ဘၢပှၤလၢ အဒံးဆ့လာ်ဘၣ်…